Friûl.net

L’Ecomuseu dal Glemonat al à publicât su la rêt des rêts i ’seminaris inmaneâts cu la Scuele di specializazion in Bens demoetnoantropologics de Universitât “La Sapienza” di Rome. Un al à stât dedicât al libri “L’ecomuseo singolare e plurale. Una testimonianza su cinquant’anni di museologia comunitaria nel mondo” di Hugues de Varine (ai 15 di Març dal 2022; www.youtube.com/watch?v=Z6pwJYhgWuI), chel altri al cine “Latte nostro” di Michele Trentini su lis latariis di Cjamp e di Peio (ai 23 di Mai; www.youtube.com/watch?v=MMHdFSBJKP0).

«Contro la disumanità della guerra e la caccia al migrante: la viva lezione di Pierluigi Di Piazza»: chel chi al è il titul dal editoriâl dal numar dal mês di Jugn dal mensîl “Altreconomia”. Il diretôr Duccio Facchini al à decidût di dedicâlu al predi tualeot, fondatôr dal “Centri Balducci” di Çuian, muart ai 15 di Mai. L’articul al comence cun chestis peraulis: «Per tutta la vita ha denunciato la disumanità della guerra e il macabro gioco della caccia al migrante lungo le frontiere. “L’accoglienza mi attraversa – scrisse –, mi riempie tanto che mi pare di avere un cuore troppo piccolo”».

Tal lûc internet dal Forum regjonâl dai Bens comuns e da l’Economie solidarie e par “YouTube” (https://www.youtube.com/watch?v=Y3FU8bIHBd4&t=50s), dai 7 di Avrîl, al è in linie il notiziari d’informazion “Diario Solidale”. Il servizi informatîf al smire di popolarizâ il mont de solidaritât e dal volontariât, cun contis, storiis e intervistis ancje su ambientalisim, finance etiche e cooperazion sociâl. Ogni mês al saltarà fûr un numar gnûf de transmission.