[DIASPORE]

Al è stât batiât “Sif”, al ven a stâi “Servizi informe furlans”, l’ufici che ur ufrissarà ogni informazion necessarie ai furlans ripatriâts o ch’a son daûr a tornâ. Al è stât inmaneât de clape “Friûl dal Mont” e logât a Udin, te strade del Sale 9. Al sarà viert ogni martars, di 15 a 18, par cure di Andrea Ridolfi, nassude tal Canadà intune famee di Vasinis.

[DIASPORE]

Clape “Friûl dal Mont” e Fogolâr di Monfalcon a organiizin un viaç in Argjentine dai 18 di Març ai 6 di Avrîl, par incuintrâ Fogolârs e furlans de diaspore e par celebrâ la Fieste dai 3 di Avrîl su lis Andis a 4200 metris sul nivel dal mâr. www.clape.it info@clape.it

[DIASPORE]

Par preparâ il II volum dal libri “Friuli a Roma”, il Fogolâr roman ur domande colaborazion a ducj i i furlans implantâts te citât taliane. “Curricula” e fotografiis a varan di jessi consegnadis tai uficis di strade Aldrovandi dentri dai 15 di Fevrâr.

[DIASPORE]

Il Museu regjonâl de emigrazion “Pietro Conti” di Gualdo Tadino (Pg) al organize la V edizion dal concors par videos su la emigrazion taliane pal forest “Memorie migranti”. A saran ametûts scandais, documentaris, “fiction” e “Docufiction”. A puedin concorsi scuelis, universitaris e servizis transmetûts fra 2000 e 2009. La premiazion e je stabilide pai 23 di Avrîl. Lis oparis a varan di jessi presentadis dentri dai 27 di Fevrâr dal 2010.