Friûl.net

Sabide ai 23 di Otubar, a Puart si confrontisi sun cemût «curâ e tignî cont dal teritori». Intant de convigne “Con le radici in terra”, a 17 li de Biblioteche “Bettoni”, a intevegnaran: Valentina Spivach di “Fridays for Future Portogruaro” (“I giovani e il nuovo stile di vita”); Sandra Fancello dal “Movimento per la decrescita felice” (“La visione della decrescita felice per i giovani”); Roberto Valerio di “AlberiAmo” (“Alberofobia, come curarla per vivere felici con gli alberi”); e l’architet Ermes Drigo (“Portogruaro, città solare: un progetto amministrativo”). Si racomande di prenotâsi.

Vinars ai 22 di Otubar, i zovins “Fridays for Future” di Gurize a aderissin al “Siopar mondiâl pe Clime” cuntune iniziative programade a 10, te “Place Grande” (piazza della Vittoria). A 10, e tacarà un’azion cun “performance” e, a 11, une samblee publiche intitulade “Con l’acqua alla gola”.

Fin tal mês di Novembar, cuanche si fasarà “Cop26” in Scozie, i “Fridays For Future Carnia” a proponaran i “Vinars pe Clime”, te place di Tumieç, par sensibilizâ sorestants e Comunitâts su la crise climatiche e su la necessitât di voltâ vele. La proteste inmaneade de mulaerie cjargnele, ai 15, ai 22 e ai 29 di Otubar, e tache a 13.15. Par informazions: #sveinsi e #vinarsforfuture.