n8kb6z - 41sydr - vx2181 - 1su32j - mh951h - ej5jjc - gol9kz - meehpy
Lunis 12 | Avrîl 2021 | 944° de Patrie
Jentrade/Gnovis
  Leams/Links
 
 
 
 
 
1 | 2 |
In linie 12
Selezionadis 12
Mostre lis gnovis par argoment:
Archîf des gnovis
IN BICI PE LEGRE DIMINUZION
[09.04.2021] Mande la gnove a di un amě
Il “Decrescita Bike Tour” dal 2021, par cure dal Moviment pe legre diminuzion, al partissarŕ de dighe dal Vajont, ai 18 di Jugn. Po al puartarŕ fin Padue, ai 27 di Jugn, intun’esplorazion ciclistiche fra i dams causionâts dal svilup e i progets alternatîfs par un resuriment acetabil e sostenibil. Te organizazion, al colabore “Altri Mondi Bike Tour” (www.facebook.com/biketourdecrescita/).
www.decrescitafelice.it  biketour.decrescita@gmail.com
L’INVASION DE JUGOSLAVIE
[07.04.2021] Mande la gnove a di un amě
“A ferro e fuoco. L’occupazione italiana della Jugoslavia 1941-43” e je la mostre virtuâl screade ai 6 di Avrîl, juste tal LXXX innovâl de invasion fassiste. L’esposizion e je stade curade dal Institűt “Parri”, dal Institűt triestin pe storie dal moviment di liberazion e de Universitât di Triest. Te mostre, a son proferidis 200 inmagjinis, in 54 tabelons, cun 25 testemoneancis e 81 intervistis cun studiâts esperts de cuistion. I tescj ju ŕn scrits Giancarlo Bertuzzi, Štefan Čok, Costantino Di Sante, Filippo Focardi, Brunello Mantelli, Raoul Pupo.
www.occupazioneitalianajugoslavia41-43.it  
IL VALOR DI OGNI VITE
[06.04.2021] Mande la gnove a di un amě
Al larŕ indevant fintremai ai 25 di Avrîl il dizun “Tutte le vite valgono”, ch’al smire di sensibilizâ su la crise umanitarie de “Trate balcaniche”. Il siopar noviolent, inmaneât de Ręt “Dasi” (Diritti, accoglienza, solidarietŕ internazionale), al č començât ai 17 di Genâr, superant 350 adesions in Friűl e par dute l’Italie. Fra lis Comunitâts ch’a ŕn aderît: “Oikos” di Feagne, Centri “Balducci” di Çuian, Centri “Misericordia e Solidarietŕ” di Udin, la Comunitât musulmane di Gurize e la Campagne internazionâl pal escomi des armis nucleârs.
sconfini.net  
CENTRI DI AZION JURIDICHE
[03.04.2021] Mande la gnove a di un amě
Si clame “Ceag” e al pues jessi contatât li dal “Sportello del Cittadino” di Udin, in strade del Gelso (338 270 5293 Mary Santoro). Al č il Centri di azion juridiche, inmaneât di “Legambiente”. In plui di prudelâ la clape ambientaliste regjonâl tes sôs azions, ur ufrěs consulence e assistente ai citadins e a lis Comunitâts in cont di promozion e di protezion dal ambient. In zornade di vuę, a operin tal “Ceag” i avocats Daniela Moreale e Francesco Casarella di Udin, Dafne Crea di Gurize e Alberto Coslovich di Triest.
www.legambientefvg.it  ceag@legambientefvg.it
CUINTRI DAL ABANDON
[03.04.2021] Mande la gnove a di un amě
Tal numar dal męs di Avrîl, il mensîl d’informazion indipendent “Altreconomia” al fronte ancje la cuistion dal avignî de mont cjargnele. Il servizi “Viaggio in Carnia, tra chi sogna la rinascita della montagna”, par cure di Veronica Rossi, al mostre cualchi spieli di int impegnade par «contrastare l’abbandono della terra».
www.altreconomia.it  
MAFIIS, SCOVACIS E AUTOCOMBUSTION
[30.03.2021] Mande la gnove a di un amě
Cuanche in Friűl al bruse un scovaçâr – e la note e je za lungje come la Tresemane –, seont la pluipart dai Mieçs d’informazion, «i primi riscontri» a fasin simpri «pensare ad un’autocombustione»; po de cuistion no si fevele e no si scrîf plui. Salacor al sucedarŕ compagn ancje dopo dai 30 di Març, cuanch’e je rivade la gnove dal fűc ch’al ŕ fiscât un depuesit de “Camilot Recycling” di Roncjis, te Basse. I pompîrs a ŕn lavorât dute gnot par distudâ lis flamis, partidis a 2 di buinore. Al pâr dal impussibil, ma i Mass media regjonâi da râr a rivňchin e a confrontin acjadiments di cheste fate cu lis denunciis di “Legambiente”, di “Libera” e nancje cun chęs des Direzions distretuâls cuintri de mafie, ch’a son agns ch’a cjacarin di «Nordest nuova Terra dei Fuochi» e dal fat che «le mafie portano al nord tonnellate di rifiuti tossici». Tal męs di Mai dal 2020, la Direzion distretuâl di Triest e veve distaponât un «traffico illecito di rifiuti a carattere transnazionale», fra Gurize, Mosse, Belum, Napul e Slovenie. Un altri câs speciâl al č chel de “Snua” di Davian: un implant pal compostament dulŕ ch’a son capitâts fűcs ai 19 e ai 20 di Setembar di an passât e altris 3 voltis vie pal 2014, pal 2015 e pal 2019.
SALVěN LIS ULTIMIS AGHIS
[29.03.2021] Mande la gnove a di un amě
Firmât di 27 fra Comitâts e Dominis coletîfs, di 4 Circui di “Legambiente” e di 25 inteletuâi, al č saltât fűr l’apel “Salviamo le ultime acque della nostra montagna”. Il document ur domande ai Cumons, al stât talian e a la Regjon di fermâ il sfrutament idroeletric ch’al č daűr a sassinâ la mont furlane, garantint beneficis ambientâi minims ma profits privâts sproposetâts. Par chel, i Comitâts a domandin l’abolizion dai incentîfs statâi e la realizazion di politichis atentis al sparagn energetic e ambientalistichis. L’apel al č stât spedît ai ministris romans pe Riconversion ecologiche e pa l’Agricolture, ai parlamentârs e ai conseîrs regjonâi, ai sindics e ai mass media.
www.nonsolocarnia.info  
AQUILEE PAL MONT
[09.03.2021] Mande la gnove a di un amě
L’opare “Planctus Aquileia” dal composidôr e pianist Glauco Venier e je stade sielzude dal Ministeri pai Afârs forescj, cun 20 progets musicâl, par rapresentâ la culture taliane pal mont. Il proget furlan, produsűt de “Fondazion Luigi Bon” di Culugne al č sometűt tal puartâl pe promozion de lenghe, de culture e de creativitât taliane pal mont, “italiana”.
italiana.esteri.it  
OSSERVAZIONS SU LA GESTION DES AGHIS
[06.03.2021] Mande la gnove a di un amě
Dai 5 di Març, par 6 męs adilunc, ogni citadin al podarŕ presentâ lis sôs osservazions scritis sul secont inzornament dal “Plan di gestion des aghis” e sul prin inzornament dal “Plan di gestion des montanis” dal Distret idrografic “Alps orientâls”, ch’al cjape dentri ancje la Patrie. I documents si pues tamesâju tal lűc internet dal Distret, dulŕ ch’al č proferît ancje il stamp pes osservazions (mediant dal leam “Presenta un’osservazione”).
www.alpiorientali.it  
I FURLANS DAI LANDRIS
[06.03.2021] Mande la gnove a di un amě
Cui ch’al vűl cognossi i plui antîcs abitatôrs des grotis dal Friűl al varŕ di lâ sů sul cjiscjel di Udin par visitâ la mostre “Antichi abitatori delle grotte in Friuli”, inmaneade de Sezion archeologiche dai “Civici Musei”. L’esposizion e restarŕ vierte fintremai ai 27 di Fevrâr dal 2022. Oraris: miercus e joibe, 15-18; vinars 15-19. Prenotazion obligatorie (0432 1272591).
www.civicimuseiudine.it   
 
Cuanche il čhal al čhante la matine, la ploe a jč vicine; cuanch’al čhante la sere, bontimp si spere.
  I Paîs de Patrie
Dizionariut Toponomastic
  Vocabolario
Italiano-Friulano
Friulano-Italiano
  Dizionario Biografico Friulano (III ed.)
  Dizionari Multilengâl (Furlan - Italiano - Slovensko - Deutsch - English - Espańol - Français)
  La Vicìnia