n8kb6z - 41sydr - vx2181 - 1su32j - mh951h - ej5jjc - gol9kz - meehpy
Vinars 22 | Març 2019 | 942° de Patrie
Jentrade/Gnovis
  Leams/Links
 
 
 
 
 
1 | 2 | 3 |
In linie 24
Selezionadis 24
Mostre lis gnovis par argoment:
Archîf des gnovis
ZORNADE MONDIÂL DE AGHE
[SCUELE]
[20.03.2019] Mande la gnove a di un amì
Ai 22 di Març, il mont al celebre la “Zornade mondiâl de aghe”, frontant la cuistion: “Par no lassâ nissun indaûr”, stant che, ancjemò in zornade di vuê, a son milions di lôr chei che no àn garantît nancje l’acès a l’aghe di bevi. Vinars ai 22, a saran inmaneadis a Udin dôs manifestazions: a 9.30 li dai Cors economics dal Ateneu, te strade Tomadini, e tacarà la convigne “Le scuole per l’acqua”; a 18, li di palaç di Toppo-Wasserman, in borc di Glemone, dibatiment su “L’acqua nel contesto globale e locale”. A organizin “CeVi” e Universitât furlane.
www.cevi.coop  
PRODOTS ECOLOGICS
[20.03.2019] Mande la gnove a di un amì
La gnove buteghe di “La Cebi”, il negozi dulà che si cjate prodots ecologics di ogni fate pe cjase, e je logade tal centri di Udin, te strade Di Toppo, al numar 5. Il telefon de buteghe al è: 0432 547688.
www.lacebi.it  info@lacebi.it
FANTASIIS JAPONESIS
[18.03.2019] Mande la gnove a di un amì
E restarà vierte fintremai ai 5 di Mai la mostre “Le immagini della fantasia”, rivade a la XXXV edizion. L’esposizion des miôr inmagjinis de “Mostre internazionâl d’inlustrazion pes frutarie”, progetade de Fondazion “Stepan Zavrel” di Sarmede, e je imbastide li dal municipi di Vençon. Oraris: sabide, domenie e dîs di fieste, 10-12.30 / 15-19; di lunis fin vinars, 10-12.30.
www.venzoneillustrazione.altervista.org  venzone.illustrazione@gmail.com
L’ART PAL PAISAÇ
[17.03.2019] Mande la gnove a di un amì
La mostre “Agenda 2030 - Art Paesaggio”, par cure di Michele Gortan, e podarà jessi visitade dai 15 ai 31 di Març, li di palaç Clabassi te strade Zanon di Udin. Oraris: lunis-vinars, 9-13. La Sorintindince, mediant di cheste esposizion, e smire di inviâ un confront su la possibilitât che, in gracie dal art, al partissi un procès virtuôs e partecipât pe “ri-leture” e la “ri-cualificazion” dal paisaç. Te organizazion al colabore il “Centro Friulano Arti Plastiche”.
www.sabap.fvg.beniculturali.it  
SI PUES EDUCÂ ANCJEMò
[SCUELE]
[17.03.2019] Mande la gnove a di un amì
Ufici Scuele de Glesie udinese e Institût comprensîf “Tina Modotti” di Pradaman, cul jutori di “Diesse-Fvg” e di “DiSAL”, a organizin dôs convignis par insegnants su “Il gusto di essere a scuola: la realtà come alleato” e “ Incontrare la bellezza in ogni ragazzo”. Pal prin apontament, martars ai 19 di Març, al rivarà Ezio Delfino; intant dal secont, martars ai 9 di Avrîl, e fevelarà Maria Segato. Dutis dôs lis seradis a tacaran a 17.30 li dal Centri “Paulin di Acuilee”, tal borc di Trep di Udin.
UNE LEÇ PAI BENS COMUNS
[11.03.2019] Mande la gnove a di un amì
Il Forum regjonâl dai Bens comuns e da l’economie solidarie al à aderît a la campagne par presentâ in Parlament la propueste di leç d’iniziative popolâr prontade de “Comission Rodotà”. A coventin tiradis sù al mancul mil e 500 firmis autenticadis in dut il Friûl e a Triest dentri dal mês di Avost. Clapis, ents, sindicâts ch’a intindin di prudelâ il proget a son invidâts a coordenâsi, contatant il puartevôs di “proDES Fvg” Paolo Tubaro.
www.benicomunisovrani.it  ptubaro@gmail.com
LIS FEMINIS E LA GLESIE
[11.03.2019] Mande la gnove a di un amì
Al larà indevant fintremai ai 2 di Avrîl il Cors biblic ecumenic, inmaneât dal Grop udinês dal “Sae”. Lis lezions su “Lis feminis e la Glesie” a saran proponudis li de glesie evangjeliche metodiste di Udin, tal plaçâl D’Annunzio 9, a 18.30, di Marco Emanuele Casci. Apontaments ai 12 di Març (“La rivoluzion di Jesù: une comunitât di discepui e di discepulis compagns”); ai 26 di Març (“Vino comprendût l’apuestul Pauli? Riflessions su lis consecuencis di ciertis interpretazions”); e ai 2 di Avrîl (“Cunsiderazions sul puest de femine tes Glesiis cristianis dal dì di vuê”).
giogandolfo@yahoo.it
RESISTENCE CRISTIANE
[10.03.2019] Mande la gnove a di un amì
Di chê strade dal «Mês de educazion», inmaneât a Puart dal Coleç de Glesie di Concuardie «Guglielmo Marconi», dai 11 ai 23 di Març, li dal municipi si podarà visitâ la mostre “La Rosa Bianca”. L’esposizion e sarà vierte di lunis fin sabide, 9.30-12.30; lunis e miercus, 15-17.
LIS FEMINIS DAL LAT
[07.03.2019] Mande la gnove a di un amì
Li de glesie di San Laurinç di San Vît dal Tiliment, “Craf” e Cumon a proponin la mostre “Femines / Le donne del latte: gesti e luoghi, tra presente e memoria” di Ulderica Da Pozzo. Oraris, fintremai ai 5 di Mai, sabide e domenie, 10.30-12.30 / 15.30-19.
www.craf-fvg.it  
CUSSIENCE ESTETICHE DE AGHE
[28.02.2019] Mande la gnove a di un amì
Dai 2 di Març ai 21 di Avrîl, li di Palaç Frisacco di Tumieç, si podarà rimirâ la mostre di Marco Codutti “Abzu / La coscienza estetica dell’acqua”. Oraris: di lunis fin sabide (gjavât martars), 10.30-12.30 / 15-17; domenie, 14-18. La scree e je stabilide sabide ai 2 di Març, a 17.30, cun Loris Castenetto.
www.comune.tolmezzo.ud.it  
 
A San Martìn ogni most al è vin.
  I Paîs de Patrie
Dizionariut Toponomastic
  Vocabolario
Italiano-Friulano
Friulano-Italiano
  Dizionario Biografico Friulano (III ed.)
  Dizionari Multilengâl (Furlan - Italiano - Slovensko - Deutsch - English - Español - Français)
  La Vicìnia